Archifau Gorffennaf 2007

Gyda llai na mis, i fynd rwan tan y Briodas Fawr, wythnos yma, dwi wedi cael fy hyffordiant cyntaf mewn coluro. Rhag ofn bod rhai ohonoch chi ddim yn gwybod, mi ydwi wedi cael fy newis fel rhan o dim y Briodas Fawr ar gyfer 2007. Fy rol i ar y diwrnod fydd rhoi colur ar y briodferch.

Ddechrau'r wythnos ges i gyfle i arbrofi gyda 'foundations', 'blusher' a lipstics o bob lliw. Fy model ar gyfer fy aseiniad cyntaf oedd neb llai na trefnydd y briodas Heledd Cynwal. Mi 'o ni'n meddwl fy mod i wedi cael hwyl reit dda ar fy nghynnig cyntaf, ond yn ol Heledd mi oedd hi'n edrych fel clown!

Dwi dal wedi bod yn gwylio eitha' tipyn o Big Brother, mi oeddwn i'n un or bobl hynny oedd eisiau cadw Charley i fewn yn y ty, gan ei bod hi'n gwneud y rhaglen yn ddiddorol.

Dydd Iau mi ddaeth Lisa oedd yn Big Brother hefo fi lawr i Gaerdydd o Fanceinion i aros am rai dyddiau. Ar y nos Iau mi aethon ni i premier y sioe gerdd 'Never Forget' yng Nghanolfan y Mileniwm yng Nghaerdydd. Er fod nifer o bobl sydd wedi gweld y sioe yn siomedig iawn efo fo, mi wnes i fwynhau.

Hefyd wythnos yma, mi es i i'r sinema i weld ffilm newydd y Simpsons. Oedd o'n eitha da, er mae'n rhaid i fi ddweud, mae'n well gen i wylio rhaglenni hanner o'r Simpsons yn hytrach na ffilm cyfan.

Dydd Sadwrn, diwrnod Swn Sadwrn, ac am y tro cyntaf ers dechrau'r haf mi oedd Magi a Fi yn y stiwdio. Mi wnes i fwynhau'r rhaglen yn fawr, mi oedd yna lot o chwerthin a lot o hwyl yn ystod y dair awr.

Gyda'r nos wedyn mi aeth Lisa a fi allan i Gaerdydd, mi aethon ni i'r clwb nos newydd yn y dre' or enw 'Oceana. Doedd hi ddim yn noson hwyr ofnadwy gan fod yn rhaid i fi ddal tren fore Sul i Brighton ar gyfer ffilmio Big Brother's Little Brother. Gewch chi'r hanes i gyd gennai wythnos nesaf!

Tan tro nesaf!

Hwyl

Glyn

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

'Dwi 'di cael wythnos brysur iawn wythnos yma, dwi wedi bod yn gweithio lot a hefyd dwi wedi bod allan bron bob nos! Nos Fawrth mi aeth criw C2 a Daf Du allan ar ei stag, mi gafon ni noson mega cool, lot fawr iawn o yfed, a hyd yn oed mwy o ganu a dawnsio. Mae 'na luniau i fyny ar safle gwe C2 (dim ond y rhai gweddus yn anffodus!)

Dydd Mercher, ar ol prin 4 awr o gwsg, mi oedd yn rhaid i fi ddal y tren cyntaf i Fryste i ffilmio ar gyfer BBLB. Fy nasg yr wythnos yma oedd ffeindio cariad i Brian. Ges i hwyl yn gweithio, ond mi oedd hi'n braf cael mynd adre ar ol cinio am nap bach cyn mynd mewn i stiwdios C2!

Bore dydd Gwener, es i fyny i Lerpwl i ffilmio ar leoliad ar set Hollyoaks. Mae'n rhaid i fi gyfadde' nad ydwi'n gwylio'r rhaglen, felly mi oedd rhaid i mi smalio fy mod i. Roedd yna lwyth o ferched del yno, a mi oeddwn i wrth fy modd. Nol wedyn i Blaenau gyda'r nos i weld Nicky yn cael ei evictio o dy'r Brawd Mawr.

Mi oedd hi'n braf iawn cael darlledu Swn Sadwrn o Sesiwn Fawr Dolgellau, a mi oedd hi'n gret fod y pump ohono ni wyneb yn wyneb am change! Er gwaetha'r mwd gefn llwyfan, nes i rili mwynhau! Syth ar ol y rhaglen mi oedd yn rhaid i ni deithio'n nol i Gaerdydd, bach yn gutted bo fi heb gael y cyfle i weld Radio Lux a Genod Droog yn perfformio'n fyw.

Dydd Sadwrn, yn fy siorts coch, es i draw i ffilmio yn Western Super Mare ar gyfer rhaglen i T4, mi oedd rhaid i fi gymeryd rhan mewn rhywbeth tebyg i 'It's a Knockout!' Tra o ni yna ges i gwrdd a Sophie Ellis Bextor, Akon a hefyd cael cusan gan genod Girls Aloud.

Gyda'r nos wedyn, mi es i barti nos priodas Daf Du a Rhiannydd. Ges i amser gret, lot o ddawnsio. Bws wedyn yn ol o Abertawe i Gaerdydd.

Gobeithio y cai wythnos ychydig yn fwy tawel wythnos nesa 'ma.

Tan tro nesaf!

Hwyl

Glyn

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?