Neithiwr ar raglen Hen Bethe Crwn, fe gyhoeddodd Endaf Emlyn y bydd yn recordio albym newydd yn 2009, gyda'r gobaith o'i rhyddhau yn 'steddfod Bala. Mae na hefyd obaith am gyfres o gigs i gyd-fynd hefo'r album, fydd yn cael ei ryddhau ar label Sain.
Da de?
Helo bawb
Mae'n bosib iawn y bydda i'n gwylltio ambell un wrth ofyn hyn, OND... ydy hi'n rhy gynnar i chwarae can Nadolig?! Da ni wedi cael copi o Wombats - Is This Christmas, a'r cwestiwn ydy - ddyle ni chwara hi nos Iau? Gadewch eich sylwada yn fama plis!!
Stori drist i ffans y Manics
Ma Lisa newydd ddeud ar awyr bydd manylion gig Gruff Rhys ac Euros Childs ar wefan C2 yn fuan, felly dyma nhw:
Gruff Rhys ac Euros Childs
Nos Fercher, 10 Rhagfyr. (Diwrnod Hawliau Dynol)
Canolfan Morlan, Aberystwyth
Mynediad: £8.00. Tocynnau ar gael o flaen llaw o Ganolfan Morlan. 01970-617996; ymholiadau@morlan.org.uk
Neithiwr, mi oedde ni i fod i chwara caneuon oddiar albym newydd Sibrydion, ond yn anffodus, bydd rhai disgwyl ychydig. Mae'r album wedi ein cyrraedd, ond da ni am ddisgwyl tan ychydig yn agosach i'r dyddiad rhyddhau cyn dechra' chwarae'r caneuon. Sori!
Dyma 'chydig o fanylion am yr album fel rhyw fath o ymddiheuriad. Mae hi allan ar Ionawr 19, ac fe gafodd ei recordio yn Stiwdio Nen, Caerdydd. Ma na 13 trac arni, ac mi fedrwch chi glywed rhai ohonyn nhw ar myspace Sibrydion rwan. Dyma'r tracia:
Sori eto
Gar
Helo bobol
Ma hi wedi bod yn gyfnod prysur iawn i mi yn ddiweddar. Dwi 'di bod yn gweithio ar Hen Bethe Crwn, yn trio cadw trefn ar Dyl Mei a Huw Evans wrth iddyn nhw ddechra' ar gyfres arall yn edrych ar hen vinyl Cymraeg. Os wnaethoch chi fethu'r rhaglen gyntaf neithiwr, ma na dudalen i'r rhaglen yn fama. Wsnos nesa mi fydda ni'n edrych ar Hiraeth gan Endaf Emlyn, ac ma Rich James wedi recordio fersiwn anhygoel o Dwynwen yn arbennig ar gyfer y rhaglen. Ac os da chi isho gwybod sut y gwnaeth Dyl Mei dorri ei fawd cyn gig olaf y Genod Droog... na, well i mi beidio son am hynny.
Ma 'na hefyd lot o betha' gwych ar raglen Lisa heno. Mi oedd Lis yng ngwyl Swn dros y penwythnos, ac mae hi wedi cael gafael ar album Saesneg newydd Sibrydion a sengl Joy Formidable. Mi fydda nhw'n cael eu chwara ar y radio am y tro cyntaf heno am 10pm, ac yn amlwg, mi gewch chi glywed holl hanes yr wyl gan Lisa
Helo, newydd ddod mewn i swyddfa y BBC, yn llawn chwys ar ol i rhyw foi ceisio cael ffrae efo fi. Ond, camgymeriad oedd o, gwelais i o yn dod rownd y gornel ar ei feic, yn rhoi ei fraich allan i droi i'rchwith, cymerais i mai eisiau 'high 5' oedd o. Felly, mi wnaeth ddisgyn oddi ar ei feic a troi i wylltio arnaf. Gret, hahah! Ond dwin iawn rwan.
Rwy'n argymell i bawb fynd i coleg, unwaith yn eu bywydau. Mae yn fywyd brill heb yr un eiliad o ddiflastod. Rwy'n aros mewn neuadd fawr yn ganol Caerdydd, gyda lot o fyfyrwyr gwyllt a gwirion i gadw cwmpeini. Y cwrs Cymraeg a Sbaeneg, wel, mae safon fy Ngymraeg wedi mynd yn benigamp, hahaha, a Sbaeneg, no comprendo, ia, dyna'r oll dwi'n gwbod ar sut i ateb cwestiynau yr athrawes, ugh, mae prawf dydd Gwener nesaf!
Nos Fercher yw'r uchafbwynt i gael gwaethio gyda yr hyfryd Magi Dodd. Edrych ymlaen i'r Cwis Pop heno, mae'r safon yn aruthrol blwyddyn yma, pwy fydd yn fuddugol tybed? Wel, yr unig ffordd i wybod, yw gwrando ar C2 pob nos Fercher rhwng 8 a 10, rwy'n siwr na chewch eich siomi.
Hwyl am y tro,
Glyn.
| 17:10, Dydd Mawrth, 11 Tachwedd 2008
Mae Bethan Elfyn wedi bod ar daith i Liet Lavlut yng Ngwlad y Sami, yn cadw cwmni i'r band Yr Annioddefol, wrth iddyn nhw gystadlu mewn gŵyl gerddorol arbennig yng ngogledd Sgandinafia. Dyma ddyddiadur Bethan o'r penwythnos...
Sweden! Yr hyfryd Sweden! Dwi erioed wedi bod, ond nawr dwi ar awyren fach ar fy ffordd o Fanceinion glawiog, llwm, ac yn edrych mlaen i lanio yn yr haul a'r oerfel crisialaidd, Nadoligaidd yng ngogledd Sweden. Mae gen i fand ifanc o Flaenau i ddiolch am y siwrne, a'r ffaith bod nhw drwodd i ffeinal cystadleuaeth Liet Lavlut - sef math o Eurovision Song Contest i ieithoedd lleiafrifol.
Dros y penwythnos ni'n bwyta cawl carw, canu jazz da'r bobl lleol, dawnsio i Duffy mewn clwb nos, gwylio bobl yn canu 'yoiking', ac yn bwysicach oll cwrdd â bandiau o bob cwr o Ewrop, bob un yn canu mewn iaith lleiafrifol dwi erioed wedi clywed amdano o'r blaen! Ffriŵleg o ardal Alpau yr Eidal, Astwrieg o ogledd Sbaen, Ffriseg o ogledd yr Isediroedd, Arbëresh o'r Eidal, ac yn y blaen. Mae'r gerddoriaeth hefyd yn syndod o eang: mae 'na fand ska, band punk, canwr opera, merch efo cerddoriaeth electroneg a llais fel Björk, a gypsy-tango o Gothenburg. Dwi'n feddw ar yr awyrgylch, wedi'n nghyffroi gan yr holl synau a phrofiadau gwahanol, hyfryd, gwerinol, ac wedi'n synnu gan gyfeillgarwch bobl Lulea tuag atom. Mae'n benwythnos gwefreiddiol!
Mae'r Annioddefol yn brysur iawn dros y penwythnos, yn canu ar fyr rybudd mewn cyngerdd acwstig ar y nos Wener, wedyn yn chwarae a chanu mewn cyngerdd plant ar bnawn dydd Sadwrn, heb sôn am yr holl ymarferion, profion sain a phrofion dillad at y foment fawr, a'r cyfweliadau i'r wasg a'r radio rhyngwladol.
Ond ma dal digon o amser i ddod i nabod ein gilydd, ac mae bob aelod yn gynnes ac yn gwmni da. Ges i'n synnu gan agwedd Rosie oedd yn canu da'r band am y tro cyntaf, tra bod Llio wrth droed Everest - roedd hi'n hollol cŵl, calm a collected. A Paul a Ceri yn gwneud imi chwerthin wrth ddysgu geiriau a brawddegau doniol yn Swedeg. Tra fod Gruff a Ben yn rhedeg rownd yn chwilio am strings, jeans a phob math o bethau yn siopau Lulea. "Dwi ddim yn gadael y siop yma nes imi brynu jeans!" oedd un o cwôts y penwythnos!
Yn wahanol i'r Eurovision, mae yna bwrpas arbennig i'r gystadleuaeth yma: i hybu ieithoedd lleiafrifol, ac mae gwneud hynny drwy gerddoriaeth yn ffordd arbennig o gael ymateb gan bobl ifanc. Roedd hi'n braf clywed hefyd mor uchel ei pharch oedd yr iaith Gymraeg, a'r diwilliant ni'n cymeryd yn ganiataol weithiau. Fe gymerodd hi siwrne dramor imi weld a sylweddoli'r hyn sydd nôl yn y filltir sgwar.
I gystadlu blwyddyn nesaf, ewch at y wefan yma, i gystadlu yn Inverness ar ran y gwledydd Celtaidd: www.nos-ur.eu
Cofiwch wrando ar y rhaglen ddogfen ar BBC Radio Cymru nos Fercher a Nos Sadwrn yma, a'r holl luniau lan ar wefan C2.
Hwyl, Beth x
Neidio i fwy o gynnwys o’r blog hwn
Y newyddion diweddaraf am gerddoriaeth, gigs, artistiaid a mwy gan griw C2.
Blog C2 - Tanysgrifio(ATOM)
Ddim yn siwr beth yw RSS? Edrycha ar ein canllaw defnyddiol i ddechreuwyr.
Lawrlwythwch neu tanysgrifiwch i'r podlediad wythnosol, am ddim.
