Archifau Mai 2009

Mae gen i deimladau cymysg am Eisteddfod yr Urdd flwyddyn yma. Ei leoliad sy'n fy mhoeni fwy na dim. Rwyf wedi arfer cael yr Eisteddfod mewn cae mwydlyd yng nghefn gwlad, ond mae'r ffaith ei fod yn y ddinas, yn amgylchynnu canolfan y mileniwm, yn gwneud i'r wyl fod yn wahanol.

Ar y llaw arall, mae'r ffaith fod y cyatadleuwyr yn perfformio ar lwyfan y theatr gora' yng Nghymru yn arbennig.

Roeddwn yno ddydd Mawrth er mwyn hybu ymarfer corff ac i reidio beic gyda helmed. Cefais hwyl yn adran y Cynulliad yn dawnsio gyda 'Gary y crocodeil'. Haha! Roedd o'n teimlo fel bod nôl yng ngwersyll Llangrannog yn dawnsio i Hei Mr.Urdd. Gwych! Mae llawer o atgofion yn dod nol i mi am yr Eisteddfod. Rwy'n cofio straen y cystadlu, yr athrawon difynadd ar mamau oedd yn gwylltio pan oedd eu plentyn yn dod yn ail yn lle cyntaf.

Llwyfan yn Eisteddfod Sir oedd y pella; yr es (ac roedd hynny oherwydd fy mod i mewn deuawd, gyda partner gyda llais arbennig.) O ie, mae hwyl Eisteddfod yr Urdd yn ôl!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Ar ôl penwythnos hir gwyl y banc, nes i gael newyddion cyffrous iawn neithiwr gan dim cynhyrchu C2. Mi fydd un o fy hoff fandiau yn recordio sesiwn newydd sbon ar ein cyfer yn ystod yr wythnosau nesaf. Mi oedd Jess yn un o'r bandiau Cymraeg pwysicaf ar ddechrau'r nawdegau ac rwy'n falch iawn y bydd eu sesiwn C2 newydd nhw yn cael ei ddarlledu ar fy rhaglen i yn ystod mis Mehefin - c'mon! Dwi'n credu taw hwn fydd y deunydd newydd cyntaf gan y band ers dechrau'r nawdegau felly cofiwch wrando mas amdano.

Ma Jess hefyd yn cael y catsuits allan o'r cwpwrdd ar gyfer cwpwl o gigs yn y mis nesaf - yng Ngwyl Bro Dinefwr a Gwyl Bedroc. Odd hi'n braf croesawi Jamie Bevan (sydd hefyd yn un o aelodau y Beti Galws ac yn gyn aelod o Enaid Coll) un o drefnwyr gwyl Bedroc i'r stiwdio neithiwr i sôn ychydig mwy am y line-up. Ma'r wyl wych yma yn digwydd am yr ail dro yn unig eleni ar benwythnos y 19eg - 21ain o Fehefin ym Meddllwynog ac ma'r tocynnau i nos wener a nos Sadwrn wedi gwerthu mas yn barod! Ma'r line-up yn cynnwys rhai o fawrion y byd cerddorol Cymraeg fel Jess, Meic Stevens, Chiz a Tebot Piws yn ogystal a rhai o'r bandiau sydd wedi dod i amlygrydd yn ddiweddar fel y Y Bandana a Just Like Frank. Ma mwy o wybodaeth ar wefan

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Dwi wedi bod yn ffan o Eurovision ers oeddwn yn blentyn. Rwyn cofio pan oedd y teulu cyfan yn ein ty ym Mlaenau Ffestiniog yn cael parti i ddathlu'r holl gerddoriaeth. Roeddem yn gwneud tabl, a marcio'r caneon allan o ddeg - yna roedd Mam yn gadael i ni ffonio i bleidleisio dros ein hoff gân. Sad! Dwi'n gwybod!

Ond, dros y blynyddoedd diwethaf mi ddechreuais golli diodderdeb oherwydd bod gwledydd yn pleidleisio yn wleidyddol ac i'w cymdogion yn lle I'r gân orau. Ond, fe wnaethant newid y fformat blwyddyn yma, lle roedd 50% o'r pleidlais yn cael ei benderfynnu gan banel o gerddorion proffesiynol. Wel, am gystadleuaeth wych oedd hi. Roedd y safon yn arbennig, wel, pob un oni bai am yr Almaen. Cytunais mai Norwy oedd y wlad gyda'r gân orau - roedd hi'n wych, er roeddwn yn ffan o Portugal hefyd, a 15fed oedd eu safle nhw. Ond, roedd y sioe yn gyfan gwbl yn arbennig. Cafodd ei chynnal yn Rwsia, a roedd llawer o ddawnswyr ac actorion o'r syrcas yn perfformio rhwng y caneuon. Roeddynt yn fantastig!

Hwyl,

Glyn.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae gwefan newydd Golwg wedi lansio heddiw, ac mae na adran "pop". Mi oeddwn i mewn cyfarfod Sefydliad Cerddoriaeth Cymreig yn ddiweddar, ac mi oedd Barry Thomas yr is-olygydd (sori os dwi di cael dy deitl di'n anghywir Barry) yn son am ei gynlluniau i greu is-wefanau i fandiau Cymraeg fel rhan o'r prosiect - lle i fandiau gael hysbysebu gigs, a gwerthu CDs. Felly os da chi mewn band, ac hefo diddordeb - ebostiwch nhw

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wn i ddim be ydy'ch barn chi, ond dwi'n duedduol o gytuno hefo James Dean Bradfield. Darllenwch am arch-farchnadoedd yn cuddio'r celf ar glawr albym y Manics yn fama.

Ond dyna ni, efallai mai "no such thing as bad publicity" fydd hi...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Penwythnos dwytha ro'n i yn Swindon ar gyfer Penwthnos Mawr Radio 1. Mae'r wyl deuddydd am ddim, gyda 20,000 o bobl yne. Ro'n i yn rhedeg rhwng y pedwar llwyfan; djo ar y llwyfan awyr agored (ar ol Tim Westwood oedd yn dipyn o brofiad), cyflwyno Doves mewn siwt colomen (eto, bach yn rhyfedd) a cyflwyno ar lwyfan BBC yn cyflwyno. Yn ffodus roedd hwn bach yn fwy arferol i fi. Band o Swindon, Beatbullyz, gath yr ymateb gore siwr y fod. Mae gweld band o'ch ardal yn gneud yn dda wastad mynd i fod yn beth pleserus. Yn enwedig pan mae Billie Piper oedd yr un dwytha llwyddiannus. Roed Bethan Elfyn yno i gyflwyno Gallops! o Wrecsam, nath gig gwych iawn gyda'i math-roc difyr. Allwch chi weld y fideos fan hyn; www.bbc.co.uk/radio/bigweekend Nes i neud dipyn o 'sbotio selebs' hefyd, a'r un mwya oedd Glyn Wise, oedd yn rhedeg allan o'r bar cefn llwyfan pan weles i e. Helo Glyn!

Penwythnos yma fi ar y ffordd i Brighton, lle ma gwyl Great Escape mlaen. Mae'n wyl sy'n digwydd mewn lleoliadau rownd y ddinas, cannoedd o fandiau, a'r mor yn gefndir iddo i gyd. Nai chware uchafbwyntie ar y rhaglen nos Lun.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wel am benwythnos gwych! Diolch i BB Aled, cefais i a Magi docynnau i'r 'Big Weekend' yn Swindon. Aethom yno yn hwyr ar y dydd Sadwrn, felly roeddwn yn flin iawn ein bod wedi colli hanner y bandiau. Ond, fe arhosom tan y diwedd i weld 'Basement Jaxx' yn perfformio. Maen't yn gwybod sut i rocio gyda merched mewn gwisgoedd ffansi yn dawnsio ar y llwyfan. Roedd y gynulleidfa yn dawnsio'n wyllt gyda llawer o bobl yn sathru ar fy nhraed gan eu bod yn neidio i'r gerddoriaeth. Fe arhosais mewn gwesty am y noson lle cefais amser i gwrdd a llawer o sêr y byd radio. Ond, roedd Chris Moyles yn amlwg wedi cael digon, ac yn eistedd ar ben ei hun yng nghornel yr ystafell. Sioc, ond mae rhaid i mi gyfaddef ei fod yn denneuach nag beth oeddwn yn ei ddisgwyl!

Dydd Sul oedd y gora' o'r ddau diwrnod - cefais amser i weld Lily Allen yn fyw yn y 'Live Lounge.' Mae hi'n ferch dalentog iawn, byr o ran maint ac yn edrych digon 'normal', sydd yn hollol wahnol i'w hedrychiad ar ei fideos cerddoriaeth. Mae rhaid i mi gyfaddef fy mod i'n ffan newydd o 'Ladyhawke.' Credaf ei bod yn ferch sydd yn mynd i fod yn enfawr yn y dyfodol. Cafodd ei gwahodd i'r llwyfan gan Huw Stevens mewn gwisg eryr, haha, edrych yn dda Huw! Merch swil ydi hi, eithaf retro yr olwg ond mae ei chaneuon yn fantastig. Rwyf am fynd allan i'r siopau i brynu ei halbym. Nid caneuon dawnsio ydynt ond caneuon fuaswn yn hoffi gyrru a gwrando iddynt. Gwelais Aleisha Keys, Franz Ferdinand, Scouting for Girls a Snow Patrol yn chwarae. Roedd yn ddiwrnod anhygoel.

Ond, yr unig berth rwyn casau am gigiau fel hyn yw'r bwyd. Dydw i erioed wedi bod yn ffan o 'fwyd-sydyn' ac mae Eisteddfodau a gigs Cymraeg yr un peth, llawn o fwyd afiach sydd yn troi arna'i! Nid yw pobl yn gall i fyw ar fwyd-sydyn - mae'n llenwi'r twll am hanner awr a'ch gadael yn eisiau mwy. Roedd y bwyd yn Swindon yn £6 am bron i ddim. Felly, nodyn i bawb, ewch gyda phicnic neu fwyd eich hunain oherwydd mae'r prisiau a safon y bwyd yn anghredadwy!

GLYN XX

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Os da chi ar gyfrifiadur pnawn ma ac hefo ryw 10 munud i'w sbario, triwch rhain:

Sesiwn Al Lewis

Rhaglen arbennig hefo'r grwp pop Clinigol

Sesiwn Wrightoid

Dim ond os ydy'n saff a chyfreithlon...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Trafodaeth ddifyr hefo Dafydd Iwan a Myrddin Ap Dafydd ar raglen Gwilym Owen ddoe. Gwrandewch yn fama - tua 17'45 i fewn

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Ro'n i yn Salford yn ddiweddar. Y tempatsiwn ydi deud fod Salford ym Manceinion, ond celwydd fydde hynny. Ma Salford yn agos iawn i Manceinion, ond yn ddinas ar wahan, ac mae'r criw cerddoriaeth o'r lle yn falch iawn o hyn.

Roedd gwyl Sounds From the Other City mlaen, a ro'n i'n rhoi noson mlaen mewn eglwys hyfyrd iawn (roedd tafarndai a neauddoedd eraill yn cael eu defnyddio i roi gigs mlaen hefyd). Nia Morgan agorodd bethe gyda gig arbennig iawn. John Lawrence ( yn y stiwdio gyda Yucatan ar hyn o bryd) ar y 'pedal steel', a chwareydd cello a bas dwbl; gig godidog o hyfryd. Mae Nia, o Fachynlleth, yn rhyddhau ei albym cyntaf yn fuan.

Roedd Marina and the Diamonds yn dda; tiwns pop mawr gwallgof a gwych; mae hi'n dod o'r Fenni, gyda dyfodol disglair o'i blaen.

Roedd Sweet Baboo yn wych fel arfer hefyd, fel glywsoch chi ar raglen Lisa Gwilym ddim rhy bell yn ol. Mae ei ail albym e yn dda hefyd; mwy o'r un peth a dim yn bod gyda hynny.

Mae tracs newydd curiade electroneg a llawn cymeriad Y Pencadlys, Acid Casuals a Eitha Tal Ffranco ar fy rhaglenni wthnos nesa. Www, a sesiwn Wrightoid nos Lun.

Adios, fel ma nhw'n dweud.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Helo bawb - sori heb sgwennu ers sbel...wel fi ddim mor sori a 'ny achos fi wedi body n cael amser gwych dros y mis diwethaf ar fy hols yn Lanzarote ac yna I Brighton lle ges I amser ffab! Fi nawr yn Kareoke Queen yn Costa Teguise ac yn browd iawn o'r teitl hynny - falle nai fynd nol flwyddyn nesaf I neud siwr fod neb yn dwyn fy nghoron...

O'dd Brighton yn gret hefyd, byth wedi bod yno o'r blaen, a gyda'r haul yn tywynnu a'r traeth mor hyfryd yn llawn bars a clybie ffynci, ges I amser hollol wych!

Nes I hefyd ddarganfod bod gwyl Beachdown yn digwydd yno yn ystod Mis Awst gyda Super Furry Animals yn headlinio! Ma'r wyl yn digwydd yn Devil's Dyke yn Brighton ar Awst 22ain-25ain ac ma' Grace Jones ar dop y rhestr o bobl sy'n chware hefyd, yn ogystal a The Zutons, St Etienne a Grandmaster Flash! Fyddai'n sicr yn pacio fy mhabell bach a mynd draw yno am benwythnos sy'n argoeli I fod yn WYCH!

Am fwy o wybodaeth ewch i,

Hefyd ma' na wyl wych yn digwydd yn Aberystwyth leni sef The Square Festival, a hynny, Gorffennaf 24ain-26ain yn ardal Borth. Supergrass sy'n headlinio fan hyn, ond os I chi wedi body n gwrando ar fy rhaglen I fyddwch chi'n barod yn nabod y band sydd yn cefnogi nhw sef 'Peggy Realoads'. Dwi wedi body n chware'r band yma sy'n dod o Garnant ger Rhydaman ers misoedd bellach, ma' nhw'n hollol wych - ac os i chi'n hoff o'ch roc uchel gyda melodiau gwych yna dyma'r band I chi. Y prif leisydd, Twig yw'r boi oedd tu ol I'r remixes o gân Elin Fflur,'Swyn Atgofion' a 'Disco Bitch' gan Iglw, sy'n aml yn cael ei chwarae ar C2 erbyn hyn.

I glywed mwy o gerddoriaeth y band yna ewch i, Mi fydd band 'The Last Republic' o ardal Pontardawe yn chware yno hefyd, ac ma' rhain hefyd yn fand hollol wych dwi wedi bod yn chware ar y rhaglen. Os chi'n lico pobl fel Muse a Radiohead - dyma'r band I chi -

Hefyd yn chware yno fydd Threatmantics, Racehorses a Masters in france!

Am fwy o wybodaeth am yr wyl yna ewch i

Wel 'na Gorffenaf a Awst yn sorted - ond beth am Mis Medi? Mis PWYSICA'R flwyddyn oherwydd dyna mis fy mhenblwydd! Wel, ma'r gantores Rhian Mostyn ar fy rhaglen i nos Wener ac ma' hi'n sôn am wyl Llanffest ma' hi'n trefnu ar ei fferm hi yn Llanfairfechan ym Mangor ar Medi 5ed! Mae'n debyg bydd Derwyddon Dr Gonzo a Mr Huw yno yngyd a lot o artistiaid eraill! Am fwy o wybodaeth cofiwch checio gwefan C2 yn rheolaidd I weld beth yw'r datblygiadau!

Ffili aros I fynd I BOPETH!!!

Nia xx

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wedi cael penwythnos anhygoel, wedi partio gormod, yfed gormod a dawnsio'n wyllt fel idiot. O ganlyniad, rwyf wedi gosod her if y hun i beidio mynd allan am wythnos, ac yn barod rwyn dechrau teimlo'r effaith.

Enillais mewn gem tennis senglau i ddynion heddiw, 6-4, 6-2, ar ol cael hyfforddiant ar sut i chwarae'r foli. Mae ennill yn rhoi boddhad am weddill y diwrnod ac oherwydd fy mod i'n berson cystadleuol, mae ennill yn osgoi y dioddef ar poen o anhapusrwydd pan rwyn colli, hahaha!

Ond, mae rhaid i mi son am ddigwyddiadau nos Lun. Aeth criw C2 allan i'r Bae yn Gaerdydd am fwyd. Yn gvyntaf aethom i gyd ar 'meri-go-round' sydd ger y senedd. Er syndod, roedd bron enw pawb arno roedd yno Glyn, Sian, Mair, Owain, Robin ond na, nid oedd yno Magi. Anlwcus. Roedd yn braf mynd arno, roedd yn mynd a fi'n nol if y mhlentyndod yn Butlin's Pwllheli. Ar y llaw arall, roeddwn yn gobeithio pan o ni arno nad oedd neb yn fy adnabod a gwaeddi 'big kid' arnaf!

Ond, uchafbwynt y noson oedd bod mewn tacsi ar y ffordd i glwb nos gyda Robin, Owain a Magi. Roedd y gyrrwr yn gyrru'n wyllt a roedd Magi yn eistedd yn ganol y ddau gynhyrchydd yn gwneud ei cholur. Eisteddodd yno gyda twb mawr o bowdwr 'blusher' drud ar ei glin gan afael mewn drych yn un llaw ar 'blsher' yn y llaw arall. Ond, gyrrodd y gyrrwr yn sydyn dros 'bwmp cyflymder' gan wneud i'r powdwr ddisgyn dros dillad Magi. Dwi erioed wedi chwerthin gymaint yn gweld Magi yn eistedd yno debyg i 'prawn' efo'r holl powdwr pinc ar ei hyd. Ond, pinicl y noson oedd y gyrrwr tacsi yn gweiddi bod rhaid iddi dalu ffein am wneud llanast. Haha ac ymateb Magi oedd 'It's only make-up'. Diolch Mags, mi wnes di wneud fy noson!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae hi wedi bod yn eitha tawel yn ddiweddar o ran caneuon pop da. Wrth hynny, dwi ddim yn golygu petha fel TNT, Pheena, Rhydian ayyb, ond yn hytrach caneuon bachog gan artistiaid poblogaidd, eang eu apel. Roedd Frizbee yn y categori yma, Sibrydion falla, Gwibdaith? Anweledig?

Mae'n braf gweld yn y misoedd nesa fod na lot fawr o gerddoriaeth pop da ar y ffordd. I ddechra, album newydd Al Lewis. Dwi wedi ei glywed, ac mae'n esiampl gwych o'r math yma o gerddoriaeth pop. Mae'n cymharu'n dda iawn hefo Jack Johnson, Ryan Adams o ran swn cynhyrchu a caneuon 'catchy'. Dwi'n eitha sicr y byddwch chi'n clywed y caneuon ar Radio Cymru yn ystod y dydd ac C2 fin nos!!

Fflur Dafydd sy nesa - hefo sengl llawn gitars "jangly" a melodiau cofiadwy, ac wedyn fe ddaw albym Dan Lloyd (heb Mr Pinc)sy'n siwr o fod yn llawn o ganeuon pop da. A 'chydig bach o newyddion i chi - mae gen i CD o ganeuon o sesiwn newydd Ceri Cunnington, prif leisydd Anweledig, yn nror top fy nesg yn barod i'w chwara mewn cwpl o wythnosau...

Mae hefyd rhaid son am albym Clinigol, Melys, sy'n fath gwahanol o bop, ond yn ddiddorol iawn. Mae'n albym electro-pop hefo gwesteion fel Heather Jones, Cofi Bach, Nia Medi, DJ Jaffa a Margaret Williams yn cyfrannu.

I glywed mwy am yr adfywiad pop, gwrandewch ar raglen Lisa nos fory i glywed sesiwn Al Lewis, a nos Wener i gael awr yng nghwmni Clinigol. Yn y mis nesa, bydd sesiynau gan Dan Lloyd, Ceri Cunnington, a Fflur Dafydd

ps cyn i chi gwyno, dwi yn cofio fod Huw M, Mr Huw, a'r Ods i gyd yn 'sgwennu caneuon pop gwych, ond ddim eto cweit hefo apel mor eang a rhai o'r grwpiau fel Frizbee? Nai adael i chi drafod hynny...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?