Archifau Chwefror 2010

Annwyl Magi,

Mae hi'n brynhawn Iau braf ac yn ddiwrnod olaf 'New York Fashion Week' a dwi'n eistedd mewn hen warws downtown sydd bellach wedi ei drawsnewid i fod yn set ar gyfer sioe 'Japan Fashion Week'. Bydd Japan yn cynnal eu wythnos ffasiwn nhw yn Tokyo yr wythnos nesa ond mae'r sioe heno yn mynd i rhoi blas i ni o'r casgliadau.

Dwi gefn llwyfan yn helpu hefo'r gwisgo a'r steilio ac wedi cipio 2 funud bach i ysgrifennu atat wrth ddisgwyl i'r modeli gael eu colouro a chael steilio eu gwalltia' - gwynebau gwyn a lot o backcomb-io! Mae yna ganoedd o boteli dwr o gwmpas y lle a phlatiad enfawr o salad i'r modeli gael pigo arno, mae yna hefyd dwmpath o fisgedi siocled, does yna neb ond y fi yn byta rheini! Mae'r tim trefnu wrthi ar eu walkie-talkies yn cyfarth cyfarwyddiadau, mae'r hairspray yn drwch yn yr aer a fflashis y camerau yn ddigon i ddallu rhywun - ar y cyfan awyrgylch fyrlymus a hectic dros ben. Dim syndod fod y modeli yn edrych mor flinedig a phwdlyd!

Wrth feddwl yn ôl dros fy wythnos dwi'n cofio yr adegau fwy glam, y casgliadau anhygoel, y 'gwdi bags', y cyffro wrth i Anna Wintour gerdded heibio a'r hwyl o wylio enwogion - Nigel Barker, Nina Garcia, Sophia Blush a llawer i un arall yn y rhes flaen.

Mi nesi lwyddo i gael sedd yn yr ail res - tipin o gamp - ac o'r 5 sioe y bues i'n ei weld y trends ar gyfer A/W 10 neu 'Fall' fel mae nhw'n ddeud ydi:

Ysgwyddau miniog - y silwet yma yn dal yn edrychiad blaenllaw gyda'r 'pads' yn pwyntio am i fyny (ac nid i'r ochrau del yn yr 80au).

Lliwiau Metalau - llawer o ddefnyddau a sglein arnyn nhw megis sidan a satin mewn lliwiau pewter, phlatinwm ac arain (llwyd ond heb fod yn llwydaidd).

Dangosa dy gefn - llwythi o'r ffrogiau nos yn ddi-gefn yn ogystal a sawl dilledyn oedd yn gwneud statement o'r cefn drwy dori siapiau allan o'r ddefnydd.

Mi wnes i sylwi ar lawer o ddynion yn ystod yr wythnos oedd yn gwisgo bo-teis neu cravats, tybed y bydd hyn yn datblygu fwyfwy fel trend y stryd? Yn ogystal roedd y modeli gwrywaidd bron i gyd yn gwisgo eu gwallt yn eithaf hir wedi ei gribo yn ôl yn slic a roedde nhw'n edrych yn 'ol'reit' yn fy marn i! Dwi'n edrych ymlaen i ddarllen am sioe ffasiwn Llundain rwan tybed os y gwelwni fwy o hyn?

Am fwy o luniau o'r holl gasgliadau cer draw i'r wefan swyddogol sef www.mbfashionweek.com/newyork/fall2010.

Hwyl am y tro, Cariad Mawr, Lowri xx

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Helo

Efallai eich bod chi'n cofio nos Fawrth i ni roi mp3s o ddrymia, gitars a lleisiau Race Horses ar y we a gofyn i chi ail-gymysgu'r gerddoriaeth. Da ni wedi cael ymateb gwych, a dyma'r caneuon da ni wedi eu derbyn hyd yma

Hwyl

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae criw Sesiwn Unnos ar fin disgyn i gysgu yn y gornel am dridiau, ond rhaid cyhoeddi EP olaf y gyfres cyn hynny - a ni'n falch iawn o glywed bod Race Horses wedi crefftio campwaith at yr achlysur.

Mae na bedwar trac ar gael i chi glywed ar wefan C2, gyda thrac ychwanegol arbennig wedi'i gymysgu yn ystod yr un noson gan neb llai na Cian Ciaran o Super Furry Animals.

Llinos, Yng nghanol nos mae'n ganol nos, Ystlum y nos, Tiamalina, ac Unnos ydi enwau'r caneuon.

Ond dyw Sesiwn Unnos ddim cweit ar ben eto! Tiwniwch eich weiarles i Radio Cymru heno am 10 i glywed hanes Huw Evans yn treulio'r noson yn y stiwdio gyda'r band - neu ar yr iPlayer sgleiniog am wythnos a hanner wedyn.

A mi fyddwn ni nôl eto yn fuan gyda rhaglen o uchafbwyntiau'r gyfres.

Yn y cyfamser - beth oedd eich uchafbwyntiau chi? A beth yw'ch barn am ganeuon swynol Race Horses a'r holl artistiaid eraill wnaeth dderbyn her y Sesiwn Unnos? Tarwch eich sylwadau ar y blog hwn!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae hi'n ugain munud wedi chwech, a dwi'n trio 'ngore i sgwennu rhywbeth llawn teimlad ac emosiwn sy'n crynhoi pob dim sydd wedi digwydd dros y chwech wythnos ddiwethaf mewn i un blog hyfryd ar gyfer chi we-bobol Gymraeg.

Yn anffodus dwi llawer rhy flinedig.

Gwion yn canu ar gân ola'r sesiwn ar hyn o bryd - am gân i gloi'r gyfres. Dwi'n cymryd be ddudes i yn ôl yn fy mlog blaenorol, dwi'n meddwl fod o'n hollol mind-boggling fod y grŵp wedi llwyddo creu caneuon mor gymhleth ac wedi eu trefnu mor ofalus mewn cyn lleied o amser. Wedi bod yn bleser cael clustfeinio arnyn nhw drwy'r nos.

DA IAWN RH

A...

FFARWEL SESIWN UNNOS.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wel bobol bach, da ni bron iawn wedi cyrraedd diwedd y daith. 6 wythnos o nosweithiau hwyr/boreau cynnar; lot o hwyl, cerddoriaeth wych a chwmni da. Diolch i'r holl fandia am fod mor frwdfrydig am y syniad, a diolch yn fawr iawn i chi gyd am ddod draw i wrando ar y gerddoriaeth a darllen y blogs. Tan y tro nesaf, nos da, a chofiwch wrando heno am 10pm.

Gar

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

5.01am ac ma petha'n gwella! Ma Race Horses wedi gorffen dwy gân, hanner ffordd drwy un arall, ac yn gweithio ar bedwerydd. A dwi'n obeithio y cawn ni remix gan Cian. Ma petha'n gwella... a dwi'n lot mwy ffyddiog rwan nag oeddwn i am 2am.

Ond dal i ddisgwyl be ddaw o'r noson yn y diwedd...

Gar

x

Diweddariad - 5.43am Da ni newydd dderbyn y remix cyntaf gan wrandawr C2 - diolch yn fawr i Ifan Dafydd o'r Derwyddon am aros yn effro tan rwan yn ail-gymysgu un o'r tracia!! Mae modd clywed ei remix o fan hyn, a fyddwn ni'n cyhoeddi tudalen lawn o'r holl ailgymysgiadau sy wedi dod i law ddechrau wythnos nesa.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Newydd gael sgwrs efo Gaz Jones aka Gavan Lee, sef dylunydd cloriau Race Horses, ac mae e ar hyn o bryd yn creu collage dan gyfarwyddiadau trylwyr Mei "BAD CALYPSO TRIP".

Dwi'n meddwl mai clawr Goodbye Falkenberg ydy un o gloriau gore 2009/10 hyd yn hyn a dwi wrth ym modd efo'r gwaith sy'n cael ei greu heno hefyd.

Rhagor o luniau o'r noson

Mae Race Horses yn gweithio yn hollol wahanol i'r ffordd o'n i'n disgwyl iddyn nhw weithio; dwi'm yn siŵr os yw band sydd wedi arfer gwario gymaint o amser yn trefnu'u cerddoriaeth yn gweithio mor dda dan bwysau'r noson. Wedi dweud hynny dwi'n meddwl mai cân gyntaf eu sesiwn nhw heno ydy'r orau 'da ni di gal hyd yn hyn, felly yn amlwg dwi'n siarad trwy'n nhwll pwps.

Ew odd honna'n frawddeg hir.

Yr ail gân newydd ei gorffen yn dilyn executive decision gan Gaffey "**** ** come on, mlaen i'r nesa".

Ymlaen ac i fyny, fi di Spartacus.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Rhagor o luniau o'r noson

Ma hi'n 3am, a dwi'n meddwl am y tro cyntaf un yn y gyfres, dwi'n teimlo bach dan bwysa!! Wnaeth y Race Horses ddim gorffen y gân gyntaf tan tua 2am, sy'n golygu ein bod ni ar ei hol hi'n ofnadwy. Mae'r ffaith ein bod ni mor hwyr hefyd wedi effeithio ar Cian o'r SFA ac Acid Casuals, sy'n trio ail-gymysgu'r gân gyntaf i gyfrannu i'r EP. Dwi ddim yn siwr a) os gewn ni dair cân gan Race Horses b) os gewn ni remix gan Cian.

Aaaaaaaaaaaaaaaaaaaaaaaaaaaaaaargh.

Gar

x

ps ar yr ochr ore, mae'r ail gân bellach bron wedi ei gorffen. Ac ma popeth dwi di glywed gan Race Horses heno wedi bod yn wych, hyd yn oed os ydy nhw wedi dechra bach yn ara deg. Felly ma na obaith...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Blog gwadd gan Dyl Mei, un o griw Sesiwn Unnos C2

Gan mod i wastad yn edrych fel Walrws (goo goo jo) yn neud dim trwy'r nos fel arfer, mae Gareth Iwan, un o'n cynhyrchwyr o fri wedi gofyn i fi neud blog am fy

uchafbwyntiau o'r gyfres. Felly, dyma nhw...

1. Huw Evans yn cyrraedd am y tro cyntaf

Na, doedd o ddim fel sîn o ffilm gwael o'r wythdegau lle mae dau hen gyfaill yn rhedeg dros lan y môr, ac yn disgyn i freichiau ei gilydd cyn penderfynu agor siop gwerthu anifeiliaid prin yng Nghriccieth. Beth bynnag, y rheswm dwi'n cyfri hyn fel uchafbwynt ydi y rheswm syml yma - fe wnaethon ni basio gwesty yn Bangor hefo yr enw "Gwynfryn" o'i flaen... a chael llun hefyd. Trist iawn dwi'n gwybod, ond i rai sydd ddim yn fy adnabod i, dwi'n cael pleser o'r pethau symla, fel hel sticeri pêl-droed cynghrair pêl-droed Belarus, taflu cerrig yn erbyn hen fyrddau darts a gwylio Pobol y Cwm.

2. Hoax MC yn deud rhywbeth gwiron

Ar ôl i'r bwyd Tseiniaidd gyrraedd, fe wnaeth Hoax MC adrodd y geiriau anhygoel "mae hyn yn amazing, mae o jyst fel cael Indian take away, blaw chinese dio". Gwych.

3. Brechdanau Jan y Caffi

Ar ddechrau bob sesiwn, mae fi, Huw, Gareth a Dwynwen fel arfer yn cael cyfarfod cyflym am y noson, ac yn fwy pwysig, cael brechdan cyflym wedi ei pharatoi gan yr anfarwol Jan o'r gegin yma yn y BBC. Fel arfer mae gennym:

Ŵy a mayo, caws a nionyn, tiwna a chyw iâr hefo corn!!

Dwi'n eithaf siŵr fy mod wedi rhoi tua hanner tunnell o bwysa mlaen ers ddechrau'r gyfres. Dwi ddim yn rhoi'r bai ar y bechdannau - mae o yn bennaf i'w wneud hefo'r ffaith mod i'n ddiog ac yn farus. TEW!! TEW!! TEW!! TEW!!

4. Rhodri Davies a'i Delyn Trydanol

Os dwi di cyfri yn iawn, 'da ni di clywed pedwar "drum kit", 5 gitar bas, 9 gitar, 1 bazwci, 1 banjo a lot o leisiau... ond o bell ffordd y peth mwyaf diddorol dwi di glywed ydi telyn drydanol sydd wedi ei addasu gan Rhodri. Fyswn i'n talu miloedd i weld Rhodri yn mynd i'r Ŵyl Gerdd Dant hefo'r offeryn gwallgo yma... un eiliad roedd o'n gwneud sŵn fel cloch eglwys ar fore Sul, yr eiliad nesa yn gneud tôn oedd yn agos iawn i ffidil yn cael ei chwarae gan angel prydferth mewn gwely mawr o blu. Gwrandewch i sesiwn "Sŵn Du" er mwyn clywed y teclyn gwallgo yma.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae hi'n ddydd Mawrth crempog, diwrnod y Mardi Gras, felly dyma archeb têc-awê Unnos6:

Rhagor o luniau o'r noson

Kebab cyw iar

Fried rice cyw iar hefo sôs cyri

Chow mein cyw iar

Cyw iar satay

Sechuan cig eidion

Pizza llysieuol

Pizza llysieuol heb gaws

Pizza bwyd môr

Pizza ham a pinafal

Pizza cyw iar a phupur gwyrdd

Felly tri math o dêc-awê yr wythnos yma. Sbesial.

Gar

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Cyfle i chi ymuno yn y Sesiwn Unnos hefyd! Dyma chydig o gynnyrch cynta Race Horses o'r stiwdio heno - be allwch chi greu efo'r rhain? Ni'n gobeithio cyhoeddi llwyth o'ch remicsys chi yma ar y wefan.

Dyma'r ffeiliau sydd ar gael hyd yma, mewn fformat MP3 i chi fewnforio i'ch meddalwedd cerddoriaeth.

Diweddariad: Dyw'r ffeiliau ddim ar gael bellach oherwydd mae'r Sesiwn Unnos yma wedi dod i ben - ond allwch chi glywed y traciau wedi ailgymysgu ar wefan C2 fan hyn.

Nodyn pwysig: gewch chi lawrlwytho'r ffeiliau sain hyn ar gyfer creu ailgymysgiad i Sesiwn Unnos Radio Cymru yn unig. Chewch chi ddim eu hail-dosbarthu na'u defnyddio at unrhyw ddiben arall. Y BBC biau'r hawliau yn y sain drwy'r amser.

Sut i anfon eich traciau wedi ailgymysgu...

Os yn bosib, defnyddiwch wefan fel YouSendIt, TransferBigFiles, SendSpace neu DropSend i drosglwyddo'r ffeil (WAV neu MP3) i c2@bbc.co.uk. Neu gallwch ebostio ffeil yn uniongyrchol i ni ond gofalwch bod maint y neges yn llai na 5MB.

Cofiwch ddweud wrtho ni pwy sydd wedi creu'r ailgymysgiad ac os oes na enw iddi neu unrhyw wybodaeth arall!

Wrth anfon eich trac wedi ailgymysgu ato ni, rydych chi'n trosglwyddo'r perchnogaeth a'r holl hawliau i'r BBC, ac yn gwarantu mai eich gwaith gwreiddiol chi (ar wahân i'r clipiau gwreiddiol) yw'r holl gynnwys neu nad oes unrhyw hawliau 3ydd parti neu hawliau eraill sy'n eich rhwystro rhag drosglwyddo'r gwaith i'r BBC. Ni fydd unrhyw dâl am y gwaith. Rydym yn awgrymu bod pob artist yn cofrestru'r gwaith gyda'r MCPS/PRS er mwyn casglu breindaliadau o unrhyw ddarllediad radio. Bydd gan y BBC yr hawl i gynnwys eich gwaith ar unrhyw un o'n gwasanaethau gan gynnwys ar y radio, y wefan, neu mewn lawrlwythiad megis Pod C2, ond allwn ni ddim gwarantu cynnwys unrhyw drac ar unrhyw un o'r gwasanaethau hyn.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae'r hogia newydd orffen sgwennu'r gân gyntaf, felly da ni'n gobeithio recordio mewn ryw 5 munud, ar ôl iddyn nhw gael seibiant bach ac ychydig o awyr iach. Felly i'r rhai ohonoch sydd wedi dod draw yn gobeithio cael tracia i'w hail-gymysgu, mi ddylsa fod ganddom ni rywbeth i chi o fewn yr awr...

Cofion

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Cofiwch am 11pm (gobeithio) mi fydda ni'n cyhoeddi mp3 i chi fedru ei lawrlwytho i ail-gymysgu un o draciau Unnos Race Horses. Mi fydda ni wedyn yn cyhoeddi rhai o'r remixes yna ar wefan C2, ac o bosib yn cynnwys un ar raglen goreuon Sesiwn Unnos sy'n mynd allan ar Chwefror 24ain.

Mae hi bellach yn 9.44pm, ac mae'r Race Horses wedi bod yma ers ryw ddwyawr. Mae'n swnio fel bod y gerddoriaeth ar gyfer y gân gyntaf bron wedi ei sgwennu, ond does na ddim son o gwbl am eiriau eto.

Mae'r dyn sydd am wneud y clawr newydd gyrraedd - Gaz Jones. Mi fydd o'n gwneud collage, felly mae o wedi dod â tua 10 bocs mawr o "cuttings" hefo fo, wedi eu trefnu yn ôl gwahanol liwiau. Difyr

Hwyl am y tro

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Agorwch y ffwrn, trowch y nwy i fyny, a choginiwch eich pennau - mae cyfres Sesiwn Unnos ar fin dod i ben, ond fel ma nhw'n deud yn iaith y diafol, what a way to go...

Race Horses sydd yma hefo ni heno a ma Mei di sicrhau fi'n barod eu bod nhw'n mynd i fod o 'ma erbyn 3am hefo llefydd 4, 3, 2 ac 1 yn siart C2 dan eu gwregys pantalonau.

Newydd fod yn pipo mewn i'r stiwdio a 'di sylwi fod Alun Gaffey Gafferton ar y dryms, Gwion ar y gitâr a Mei a Dyl ar eu hofferynnau naturiol (ŵ ŷ misys) - dwi'n meddwl fod hyn o bosib yn creu rhyw fath o gywasgydd dychmygol sy'n achosi i'r sudd creadigol dasgu o'u ymenyddion dros eu cyrff sychedig.

Neu ma nhw just yn cal jam, dwi'm yn siŵr.

Dewinol.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wel, da ni bron iawn wedi dod i ddiwedd taith Unnos dan olau lleuad. Heno ydy'r rhaglen olaf yn y gyfres, ond mae'n bosib mai hon fydd y mwyaf difyr. Race Horses fydd yn ceisio cyfansoddi, recordio a rhyddhau EP mewn noson, ond mae 'na gwpl o elfennau difyr gwahanol.

Tra mae'r Race Horses yn recordio eu caneuon, mi fydd Cian o'r Super Furry Animals yn creu remics o'r sesiwn. Mi fydda i'n gyrru ffeils mp3 o leisiau a cherddoriaeth y Race Horses i Cian, ac mi fydd o'n creu darn o gerddoriaeth ar gyfer yr EP.

Mi yda ni hefyd am i CHI gyfrannu i'r EP. Am tua 11pm (gawn ni weld sut aiff pethau) mi fydda ni'n rhoi darn o gân gyntaf y Race Horses yma ar flog C2, ac yn gofyn i chi ei ail-gymysgu a'i yrru i ni.

Felly os da chi awydd ail-gymysgu cân newydd sbon gan Race Horses, a bod yn rhan o'r Sesiwn Unnos olaf, dewch draw i wefan C2 yn gyson heno!

Diolch

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Nos fory pan fydda ni yma yn recordio y rhaglen olaf yn y gyfres Sesiwn Unnos ,'da ni am drio rhywbeth go wahanol. Mi yda ni ishio chi gyfrannu i'r sesiwn drwy gyfrannu remix o un o'r caneuon. Mi wnai esbonio mwy... Y Racehorses fydd yn recordio'r sesiwn, a dwi'n gobeithio y bydda nhw wedi gorffen y gân gyntaf erbyn tua 11pm nos fory.

Be' da ni am ei wneud wedyn ydy rhoi darnau llais neu gitar y gân ar safle we C2 i chi fedru eu lawrlwytho. Y gobaith wedyn ydy y byddwch chi yn ail-gymysgu'r track, ac y bydd rhai o'r ail-gymysgiadau yn cael eu rhoi ar safle we Unnos C2, ac yn cael eu chawrae ar raglen "Goreuon Unnos" wythnos nesa ar C2.

Felly os da chi awydd ail-gymysgu can newydd sbon gan Racehorses, dewch draw i safle we C2 nos fory am 11pm.

Cofion

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae Gareth, Sion, Gwyneth, Aled a Pete ar eu ffordd i'w gwlâu, ond allwch chi wrando ar draciau hyfryd eu Sesiwn Unnos ar wefan C2 nawr - ychydig yn gynt nag arfer! Mae 'na hefyd glawr hyfryd gan Huw Evans ei hun.

Mae'r Gwylanod - fel hoffen nhw gael eu hadnabod - wedi cynhyrchu EP "cysyniadol" y tro yma. Dyma'r traciau:

1. Trosedd
2. Dianc
3. Cosb
4. O'r Gell

Beth y'ch feddwl o rhiena felly?

Bydd Huw nôl heno am 10 ar C2 gyda rhaglen awr yn cofnodi anturiaethau'r noson. Nos da!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Tydy'r blog dwytha nes i sgwennu ddim yn gwneud cyfiawnder o gwbl hefo'r gân sy wrthi'n cael ei recordio yn Stiwdio7, Bryn Meirion, Bangor ar hyn o bryd; cân sy'n llawn harmoniau cyfoethog prydferth. Felly ymddiheuriadau am honni fod y grwp am wneud "sŵn" a chroesi bysedd. Nonsens llwyr gen i, mae'r gân olaf ma'n wych. Sori bobol.

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Rhagor o luniau o'r noson

5.12am yn stiwdio Unnos. Mae na dair cân wych "yn y can", ac ma na ryw 45 munud o amser recordio ar ôl cyn y bydd rhaid stopio a dechrau cymysgu'r caneuon, a mynd adre i'r gwely. Yda ni am gael pedair cân ar yr EP?! Mae Sion Glyn wedi rhoi 'gorchymyn' (yn y ffordd neisia posib) i bawb jamio/gwneud twrw/mynd amdani yn y gobaith a'r ffydd y daw na ddarn o gerddoriaeth o'r swn. Iddi.

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Dwi di bod efo cluniadur ar y nghoesau am y 5 awr diwethaf. Dwi'n gallu clywed sŵn fy ngobeithion o gael plant yn ffrio i ffwrdd yn ara deg.

Newydd orffen y clawr, dwi wedi talu teyrnged i hen recordiau llyfrgell y BBC, wel....dwi'n deud talu teyrnged... be dwi'n feddwl ydi ripio nhw off yn llwyr.

Pob hyn a hyn ma na griw o gerddorion yn crwydro mewn i'r ffreutur yn sôn am y gân nesa ma nhw am recordio - dwi'n meddwl falle gewn ni albwm heno...

Ma fy eyes fi'n hurtio.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Rhagor o luniau o'r noson

Mae hi'n 3.06am a dwi di hitio wal go iawn. Wedi blino'n lân, ac yn y cefndir ma Gwyneth Glyn a Gareth Bonello yn suo ganu ryw waltz araf deg hyfryd. Ma nhw'n mynd drwy eitha dipyn o offerynau heno - dryms, bâs, gitar a gitar acwstic yn eitha amlwg, ond hefyd soddgrwth, banjo, harmonica... ac ar hyn o bryd ma Gareth yn chwara thema'r Waltons ar yr harmonica. Nos da John Boy, nos da Mary Ellen.

Gar

x

DIWEDDARIAD Dwi newydd ddod o hyd i thema'r Waltons ar y we, a dio'm yn swnio ddim byd tebyg i be oedd Gareth yn i chwara. Siom. Dwi meddwl.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Allai'm coelio pa mor sydyn mae'r ail gân wedi datblygu. Mi fydd hi wedi gorffen cyn i'r take-away gyrraedd. Am hanner nos fe wnaeth Gwyneth addo bydda na drac arall yn barod erbyn 1am, a nes i chwerthin, ond dwi'n meddwl falla bydd na go iawn.

Mae'r ail gân yn wahanol iawn - os oedd yr un gyntaf yn Beatles v Tony Ac Aloma, ma hon yn sinematig, spooky ac yn hudolus, hefo soddgrwth Gareth Bonello yn gefndir, a Aled Cowbois yn gwneud synnau arallfydol, dieithr ar y gitar. Gwych cael dwy gân mor wahanol mor sydyn.

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Fried rice cyw iaw + sos curry

Sechuan gor-gimwch

Noodles llysia

Chow mein cyw iar x 2

Cyw iar sweet and sour

Pizza llysieuol

Pizza llysieuol spicy

2 fath o take-away heno. Crand de?

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Cymerwch gant gram o Gwyneth Glyn, Gareth Bonello, Sion Glyn, Pete Richardson ac Aled Cowbois, cymysgwch y cyfan, ychwanegwch lond llaw o banjo, bass, gitar a dryms, a gorfennwch hefo dau lais swynol. Rhowch y gymysgedd mewn ffwrn am ddwy awr a hanner ac fe gewch gân anhygoel flasus, llawn calorïau.

Ar y brathiad gyntaf dwi'n blasu bach o The Beatles o tua 1968, ond ar ôl cnoi am funud neu ddwy dwi'n cael awgrym o John ac Alun ac efallai hyd yn oed olflas o Tony ac Aloma! Oiii, dewch 'nol!! Mae'r gân yn wir anhygoel, ac yn gerddoriaeth da iawn i mi wrando arno wrth wastio'r noson yn trio edrych yn brysur a dal fyny hefo e-bost!

Cofion

Dyl

Dyl a Huw yn "dal fyny hefo e-bost". Rhagor o luniau o'r noson

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mi oeddwn i'n cael fy mhenblwydd dydd Sul (yn 33, diolch i bawb am y cyfarchion) ac fe ges i gacen yn anrheg gan Lisa Gwilym. Diolch Lis! 'Da ni i gyd wedi cael seibaint bach o'r recordio hefo paned a chacen siocled, ac fe welais i Aled Cowbois yn diflannu drwy ddrws ffrynt y BBC hefo cacen, paned a'i gitar. Gobeithio daw o yn ol...

Dyma lun hyfryd o Dyl Mei a fi'n torri'r gacen.

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Trwydded Deledu? Pah!

Dwi'n dechre teimlo fel hen fenyw gwallgof sy'n ailadrodd hi hun bob wythnos ond dwi WIR YR yn credu mai wythnos yma fydd y gore hyd yn hyn. Pawb yn swnio fel se nhw di bod yn chware efo'i gilydd ers iddyn nhw fod yn eu clytiau.

'Steddodd pawb lawr a cychwyn chware, ag o fewn 5 munud oedd gyno ni gân country hyfryd efo Sterling Morrison o'r Velvets ar y guitar. Wedyn ar ôl tua 3 munud o hwna, rhyw ddiweddglo 2 gord psychedelic Brian Wilsonaidd. Perffaith.

Ar nodyn fwy pwysig, dwi heb fyta'n iawn a dwi'n teimlo'n wan. Dwi angen siwgwr a choffi a thatws a does na neb di dod â dim byd i fi eto. Can't get the staff etc etc.

Dwi ddim yn talu'n trwydded deledu i fi gal dod yma i'r BBC a cal yn nhrin fel pwdryn.

Och a gwae.

Ar nodyn fwy hapus, gan bod na neb arall efo diddordeb gwneud y clawr dwi am gynllunio un tebyg i hen recordiau llyfrgell y BBC.

Spancus.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Falla mod i'n rhoi fy nhroed fawr ynddi ac yn rhoi jinx ar yr holl beth, ond mae'r criw wedi dechra yn gyflym tu hwnt. Ma Sion Glyn wedi gosod ei stamp ar y gan gyntaf drwy chwara riff sy'n debyg i stwff Beatles adeg y White Album (diolch i Dyl Mei, sy'n rhan o'r criw, am y disgrifiad yna) ac mae pawb yn jamio o gwmpas gitar Sion; Gareth Bonello ar y banjo, Gwyneth ar gitar acwstic, Aled ar y bas a Pete yn chwarae'r drymiau yn ysgafn. Dechrau gwych!

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Wel, ma na deimlada eitha cymysg heno wrth ddechra paratoi'r rhaglen. Dwi wir yn edrych ymlaen at glywed be fydd Gwyneth Glyn, Gareth Bonello, Aled Hughes, Pete Richardson a Sion Glyn yn ei greu cyn 9am bore fory, ond dwi hefyd braidd yn drist - ma na 4 rhaglen wedi mynd yn barod, dim ond 2 ar ôl. Bydd rhaid cael ail gyfres...

Dewch draw i wefan C2 heno i weld lluniau'r gwe-gamera, darllen blogs a gweld hanes y noson. Mae Huw Evans newydd gyrraedd, felly am fynd i gael brechdan a sgwrs hefo fo a'r criw

Hwyl

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Unwaith bob mis, yn hytrach na'ch cyflwyno i fand Gwyliwch y Gofod newydd, mi fydda'i yn ail-ymweld a chyn-fand Gwyliwch y Gofod a chael bach o 'catch-up' ar yr hyn sydd wedi bod yn digwydd iddyn nhw ers i ni roi sylw iddyn nhw ar y slot.

Mae rhai o'n cyn-fandiau ni, fel Yr Ods, Promatics, Creision Hud, Colorama, ac Y Zimmermans i enwi dim ond rhai, wedi gwneud cryn enw iddyn nhw eu hunain ar y sîn gerddoriaeth yng Nghymru ers i ni glywed ganddyn nhw am y tro cyntaf fel bandiau Gwyliwch y Gofod, ond mae eraill sydd efallai heb gyrraedd yr un uchelfannau ac heb gyflawni cymaint ag y baswn i wedi ei ddisgwyl iddyn nhw'i wneud.

Wrth gwrs mae pob un o fandiau Gwyliwch y Gofod yn wych, ond mae rhai yn sefyll allan - mi allwn ni weld yn syth fod ganddyn nhw rhywbeth arbennig iawn a'u bod yn dalent amrwd sy'n disgwyl i ffrwydro yn eich clustiau... ac o bryd efallai nad yw rhai bandiau yn llwyddo i gyflawni'r disgwyliadau uchel yna.

Braf iawn felly yw cael cyfle i fynd nol at rhai o'r cyn-fandiau a sgwrsio efo un o'r aelodau am y diweddaraf am y band.

Yr wythnos yma mi wnes i ail-ymweld a Danblagroyd - band gafodd sylw ar C2 yn wreiddiol nol ym mis Mehefin 2008... a gwych oedd cael dal-fyny efo Dan Owens o'r band, a chlywed eu bod bellach nid yn unig wedi newid rhywfaint ar yr aelodau, ond hefyd wedi newid eu henw i 'The Damn Blags' - www.myspace.com/thedamnblags - ac yn fwy na hynny, mae eu albym cyntaf am fod allan cyn yr haf!

Droeon dwi wedi disgrifio'r gân 'Y Wers' gan y band fel un o'r caneuon mwyaf sgitsogffrenig o wych i gael ei chyfansoddi yn yr iaith Gymraeg, felly roedd disgwyliadau uchel iawn gen i pan ges i glywed fod gan y band gân Gymraeg newydd i ni ei chwarae ar C2 - ac wnaeth 'Diolch am y Tristiwch' ddim siomi.

Mae'n dangos ychydig o newid cyfeiriad efallai ers 'Y Wers' ond yn llawn egni ac yn argoeli'n arbennig o dda ar gyfer yr albym.

Yr wythnos nesa, band newydd sbon fydd yn cael sylw fel band Gwyliwch y Gofod - wela'i chi ar raglen Magi rhwng 8-10pm nos Fawrth felly - a chofiwch, os yda chi mewn band newydd sydd a chaneuon Cymraeg ar myspace, a'ch bod yn awyddus i gael sylw yn y slot Gwyliwch y Gofod yna cysylltwch a ni trwy e-bostio c2@bbc.co.uk.

Tan hynny,

Rob.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Neidiwch draw i wefan C2 nawr i glywed y pump trac gan "Sŵn Du", ein hartistiaid Sesiwn Unnos yr wythnos yma - Ynyr Roberts o Brigyn, Mei Mac y bardd a Rhodri Davies y Telynor. Mae'r EP hefyd yn cynnwys trac wedi ailgymysgu ar y noson gan Geraint Ffrancon.

1. Unnos
2. Ffilm (Byw fy mywyd)
3. Dinistr (Hyll o fyd)
4. Darlun (Dacw fi)
5. Re-mics (Hanner Nos)

Roedd Huw Evans yma dros nos hefyd yn pryfocio a phoenydio ein gwesteion - felly cofiwch wrando ar y rhaglen Sesiwn Unnos heno am 10pm ar C2 Radio Cymru neu ar yr iPlayer hollalluog.

Neu cariwch mlaen i ddarllen y blog yma i weld be ddigwyddodd ar y noson - wrth iddo ddigwydd!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Rhagor o luniau o'r noson

Mae Ynyr Roberts, Mei Mac a Rhodri Davies wedi penderfynu ar yr enw Sŵn Du ar gyfer y prosiect. Mae'r enw'n dod o englyn Mei Mac am y noson:

Unnos o droi a throsi - ac unnos heb na gwin na gwely. Unnos yn dal pob sŵn du ac unnos hir o ganu

Mei Mac

Unnos, Bryn Meirion, 2.02.10

Nos da gen i

Gar

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Un cyfweliad i fynd a wedyn dwi o ma'n gynt na Paul Daniels mewn..... ffair..... yn....... y..... dwi'm yn gwbod be, ond dwi o ma'n reit sydyn.

Gobeithio gwnewch chi fwynhau'r sesiwn - dwi di cal amser hyfryd yn gwrando ar Ynyr, Mei a Rhodri yn creu'r holl beth a dwi'n meddwl bod y cyfuniad o dalentau'r artistiaid wedi gweithio'n wych.

Hwnna o bosib yw'r frawddeg waetha dwi erioed 'di sgwennu.

Dwi methu thinkio dim mwy so dwi'n mynd i go home nawr.

Ta ta.

Rhagor o luniau o'r noson

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Dwi newydd fod yn busnesa yn adran Materion Cyfoes y BBC ym Mangor ac wedi darganfod llyfryn ddaeth am ddim efo'r Observer o'r enw...

How to write journalism>

...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae ffurf y gân olaf ychydig yn wahanol, ond dyma ryw ragflas...

Dinistr

Mae'n hyll o fyd

pob drws ar glo,

a sgrech o hyd

i rownd pob tro

ar ôl pob tro,

rhwng bedd a chrud

yn wyllt o'i go,

mae'n hyll o fyd.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae hi'n 3.48am, ac ma Mei Mac newydd orffen geiriau'r ail gân. Dyma'r bennill gyntaf:

Darlun

Awyr dinas dros baderau dynion,

a golau unig a rheg olwynion,

a stryd bach afiach a th'wllwch afon,

a dyn wrth wal yn torri ei galon.

Mae un gân wedi ei gorffen, un ar ei hanner, ac un heb ei chyffwrdd. Mae Geraint Ffrancon wedi gorffen ei drac o, felly dwi'n meddwl y bydd ganddom ni EP erbyn 9am. Da.

Gar

x

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Dwi newydd fod yn siarad 'lawr y lein' hefo Mr Geraint Ffrancon sydd newydd gwblhau tirlun sonig aml-weadol wedi greu allan o bytiau sain clustfeiniol 'da ni 'di bod yn eu danfon i Geraint drwy'r nos.

Ma' Geraint yn gerddor electroneg, yn gyn-reolwr y label dychmygol 'Recordiau Safon Uchel' oedd yn rhyddhau degau o artistiaid gwahanol oedd i gyd yn bodoli yn ei ben. Yn dilyn rhoi'r label i gysgu fel ceffyl rasio efo athritis mae Geraint bellach yn gweithio ar brosiect newydd o'r enw Ffranconstein lle mae'n cydweithio efo unrhywun sydd efo diddordeb cydweithio...

Mae Geraint wedi cymryd synau telyn Rhodri a gitar Ynyr ac wedi creu darn o gerddoriaeth sy'n swnio fel archdderwydd gyda delay pedal yn gwneud cerddoriaeth kosmiche yn y babell gelf.

Ribidirês Rhisiart, ribidirês...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Unnos o droi a throsi - ac unnos

heb na gwin na gwely.

Unnos yn dal pob sŵn du

ac unnos hir o ganu

Mei Mac

Unnos, Bryn Meirion, 2.02.10

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Ma pethau'n symud ymlaen yn arbennig o ara deg wythnos yma ond da ni'n dechre gweld ffrwythau bach blasus, llafur ein tri gŵr gwadd. Natho' ni gychwyn efo sŵn gitâr gweddol arferol yn chwarae cyfres o gordiau, a nawr ma Rhodri Davies newydd ddefnyddio telyn a 'chwisg creu swigod mewn llaeth' i greu sŵn sy'n debyg i Llio Rhydderch yn jamio ar ôl ugain coffi efo Björk.

'Sgen i ddim syniad be' ma Mei Mac di bod yn i 'neud ond ma na fwstash newydd ymddangos ar lun Jonsi ym mhrif fynedfa'r BBC, ddim bo fi'n pwyntio bysedd na dim byd.



STOP PRESS! Ma Mei Mac newydd ymddangos yn y swyddfa efo geiriau'r gân gyntaf (a marker pen du dros ei fysedd), gan adael i Dyl wbod fod nhw'n weddol arbrofol.

Ai rhaglen wythnos yma fydd chimera y gyfres Unnos? Neu ydyn ni ar ganol clywed carreg filltir cerddoriaeth Cymraeg yn cael ei osod? Pwy sy'n mynd i lanhau llun Jonsi? Ac ydi Ynyr Roberts yn mynd i droi yn llwyr ymwrthodwr ar ôl gweld Dyl Mei yn bwyta ffrwchnedd gyda gwên ar ei wyneb?

Yr atebion i'r cwestiynau yma i gyd ar rhaglen Sesiwn Unnos nos yfory am 10pm.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Y thema - ffilm. Dyma eiriau'r bennill gyntaf gan Mei Mac:

Mae 'na rai isio byw yng nghysgod James Dean,

a rhai isio cwmni'r haul mawr blin,

mae rhain'n dilyn sgrech y "Shining" o hyd,

a rhai'n gwisgo het a poncho y stryd.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae hi bron yn 11pm wrth i ni recordio 4ydd rhaglen Unnos, ac ma hi'n reit dawel ar hyn o bryd (mae Rhodri wrthi'n rhoi haenau o delyn ar y trac cyntaf) felly cyfle bach sydyn i sôn am noson sy'n digwydd yn Amgueddfa Gwynedd, Bangor am 7pm nos Iau. Fel rhan o arddangosfa gelf Pync Am Byth, mi fydd Lisa Gwilym yn holi Rhys Harris (Trwynau Coch), Dic Ben (The Peth, Elfyn Presli), Steffam Cravos (Tystion) ac Efa Thomas o'r Stilletoes. Mi ddyla hi fod yn noson ddifyr, dewch draw. (Mynediad am ddim).

Cofion

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Helo

Mae hi'n 10.30pm, ac ma petha i weld yn mynd yn dda. Ma Mei Mac wrthi'n barddoni, mae Ynyr wedi dechrau recordio traciau gitar hyfryd fel sail y gân gyntaf, ond dwi'n credu mai be sy di'n taro ni i gyd hyd yma ydy FAINT o athrylith ydy Rhodri Davies. Dyn addfwyn iawn, ond mae o yn wirioneddol anhygoel ar y delyn. Plis plis dewch draw i'r wefan bore fory i glywed y traciau - fe alle nhw fod yn wych. Joio heno - awyrgylch hamddenol braf, pawb yn andros o glen ac i weld yn mwynhau.

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae rhaglen Unnos wythnos yma fel Cerberus mawr blin sy'n eistedd ar gader anferthol yn byta telynnau. Ynyr Brigyn, Mei Mac a Rhodri Davies yw aml-bennau'r bwysfil gwyllt, un o'r cyfuniadau mwyaf annisgwyl yn y gyfres hyd yn hyn. Bardd, cantwr pop a telynor/artist fluxus sy'n mwynhau rhoid eu offeryn ar dan.

Ma 'na 3 testyn gwahanol wythnos yma, un i bob cân, - dyma'r rhai ma nhw 'di ddewis...

1. Ffilm

2. Darlun

3. Dinistrio

Sgen i ddim syniad sut ma'r holl beth yn mynd i swnio, ond dyna holl bwynt y gyfres mwn.

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Mae Rhodri, Mei ac Ynyr wrthi'n recordio eu Sesiwn Unnos yn barod - dyma nhw'n cael dewis thema i'r caneuon ar ddechrau'r noson gan yr hyfryd Huw Evans...

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Helo bawb

Mae hi'n nos Fawrth, 7pm, felly amser am Unnos arall! Yr wythnos yma, mae ganddom ni gymysgedd ddifyr iawn o artistiaid - Ynyr Roberts o Brigyn, Mei Mac y bardd a Rhodri Davies y telynor gwych. Mi fydd hi'n ddifyr iawn gweld sut fydd tri artist mor wahanol yn dod at eu gilydd i gyfansoddi, recordio a rhyddhau EP mewn noson.

Hwyl

Gar

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Rhai o'r recordiau chwaraewyd ar sioe feinyl mis Ionawr

Fi a Meic y cynhyrchydd yn y crysau gafo ni yn anrheg Nadolig gan y Morgrug - diolch!

Gari Melville gyda record Nadolig Ceffyl Pren!

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Ma pencampwriaeth rygbi gorau'r byd ar y gweill unwaith eto a ddoe bues i'n ddigon lwcus i gael mynychu cynhadledd i'r wasg tim Cymru yng ngwesty Bro Morgannwg, lle mae'r tim yn paratoi i herio Lloegr yn Twickenham ddydd Sadwrn. Bydd hi'n gem anodd, gyda Lloegr yn enwi tim cryf heddiw a Chymru dal ddim yn sicr os fydd Lee Byrne yn cael chwarae. Nath y hyfforddwr Sean Edwards esbonio i'r wasg fod hyn yn golygu fod dau dim yn cael ei baratoi - un gyda Byrne a'r llall hebddo - rhag ofn i'w apêl yn erbyn ei waharddiad beidio bod yn llwyddiannus.

Nes i gael cyfle i siarad ag un sydd bron yn sicr o ddechrau'r gem sef y canolwr Jamie Roberts, yn ogystal â Non Evans, cefnwr tim y merched a Rhys Downes, mewnwr y tim dan ugain. Allwch chi glywed y cyfweliadau heno (nos fawrth) rhwng 11yh ac 1yb ar C2 yn ogystal a Dylan Ebeneser yn rhoi jincs ar darogan gêm Cymru.

Nes i fwynhau sgwrs neithiwr ar y sioe gyda fy ngwestai sef Osian Roberts - Cyfarwyddwr Technegol Cymdeithas Pel Droed Cymru (FAW). Nath Osian (neu Ocean fel ma'r Americaniaid yn ei alw) sôn am ei yrfa pêl droed allan yn yr UDA gyda'r New Mexico Chillies, a'i yrfa hyfforddi gyda timau ieuenctid Cymru, Porthmadog a'r Rhyl. Diddorol oedd cylwed ei farn am y newidiadau i uwch gynghrair Cymru, y tim cenedlaethol ac os fydd pêl droed byth yn gallu cyrraedd poblogrwydd Gridiron neu pêl fasged yn yr UDA. Allwch chi wrando nol ar y rhaglen ar yr IPlayer wrth gwrs.

Hwyl am y tro, a phob lwc i dimau Cymru ar y penwythnos!

Hef

xxx

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?

Neithiwr ar C2; awr o feinyl llychlyd, hen a newydd! Yn cynnwys trac newydd Y Niwl oddi ar ei record saith modfedd nhw! Gwrandewch eto ar yr iplayer.

Heno ar C2; mics electro-drwm-a-bas-dubstep-gabba-hip-hop gwych a gwallgo newydd sbon gan Y Lembo. Mae albym ar y ffordd; Nid Yw Lembo ar Werth, ac mae'r mics yma yn un arbennig.

Weld dyne ni am y tro. Gwisgwch yn gynnes

Huw

• Llyfrnodi gyda
• del.icio.us |
• Digg |
• Newsvine |
• NowPublic |
• Reddit
• - Beth yw hwn?