Fel rhan o wledd gerddorol Ebrill ar Radio Cymru fe fydd yna 3 sesiwn ar C2 heno.
Ar Dodd com bydd Magi'n clywed sesiwn fyw gan Yr Angen.
Bydd Dan Griffiths yn ôl i son am ei wythnos ar raglen Lisa Gwilym a bydd sesiwn arbennig gan y cerddor Dyfrig Evans.
Sesiwn fyw gan Llwybr Llaethog a'r newyddion diweddara o L.A. gan Elain Edwards ar raglen Daniel Glyn.
Helo bobol annwyl.Pawb yn iawn? Gobitho bo chi di cal penwythnos gwell na fi. Dwi wedi stopi llefen erbyn hyn ar ôl i Man Utd golli yn rownd gyn-derfynol Cwpan Lloegr yn erbyn Man City o bawb. A rhywun sydd wedi cal penwythnos trist iawn fel fi yw fy ngwestai arbennig i heno, sef Geraint Hardy un o gyflwynwyr Stwnsh, achos ma deryn bach di gweud wrthai i fod en gefnogwr brwd o Man Utd hefyd, felly bydd gyda ni ddigon i'w drafod heno rhwng 10 a 11.
Ac yna rhwng 11 a 12, bydd Meilyr Emrys yn ymuno â fi am y tro cyntaf i edrych nôl ar chwaraeon y penwythnos, ac wrth gwrs i ddyfarnu y sgorgasms wthnosol.
Cofiwch wrando felly rhwng 10 a 12.
| 11:55, Dydd Llun, 18 Ebrill 2011
Nos Wener ar C2, mi wnes i Dyl Mei a Gary Melville recordio rhaglen o lyfrgell recordiau'r BBC.
I'r rhai sydd a diddordeb, dyma restr o'r caneuon wnaethon ni ei chwarae yn ystod y rhaglen:
AD73 - Jerusalem
Huw Jones - Gwylltiaid Cochion Mawddwy
Janet Rees - Do Dos a Dinasours
Ann Morris - Machlud
Freedom of Rapsodia - Freedom
Triban - Dilyn y Ser
Triban - Y Glowr
The Startlets - Rhoi Fy Mhen i Lawr
Talcen Crych - Branwen
Cher - I Walk on Guilded Splinters
The Good Vibrations - Over To You
Endaf Emlyn - Dwynwen
Iola a Nia - Pwy a Wyr
Carmen Bwrana Jones - Mae'n Fy Ngharu I
The Left Bank - Barterers and Their Wives
Awelon Haf - Cwm Tawelwch
Ann Morus - Machlud
Geraint Jarman - Pan ddaw'r Dydd
Archangel's Thunderbird - Amon Duull 11
Rhian Rowe - Paham y Gadewaist
Treflyn - Can Yswistir
Dick Allen - Love's Question
Edward H Dafis - Gwrandewch
Os oeddech chi allan nos Wener a heb glywed, mae'n bosib ail wrando ar yr iplayer yma
Ar raglen Dodd Com heno (14 Ebrill), fe gyhoeddodd Guto Brychan, trefnydd Maes B enwau'r bandiau y gallwn edrych ymlaen at eu gweld yno eleni. Am un wythnos un unig, bydd campws Prifysgol Glyndŵr, Wrecsam yn gartref i Faes B a bydd dau lwyfan i'r maes eleni, sef llwyfan Undeb y Myfyrwyr a llwyfan Neuadd William Aston.
Dyma'r bandiau fydd yn cymryd rhan, mwynhewch!
Nos Sadwrn 30 Gorffennaf
Y Niwl
Dau Cefn
Yucatan
Land of Bingo
Nos Lun 31 Gorffennaf
Brwydr y Bandiau
Y Cyfoes
Nos Fawrth 1 Awst
Brwydr y Bandiau
Breichiau Hir
Nos Fercher 2 Awst
Undeb y Myfyrwyr: Meic Stevens, Lleuwen, Gildas
Neuadd William Aston: Elin Fflur, Al Lewis Band, Yr Angen
Nos Iau 3 Awst
Undeb y Myfyrywyr.: Plant Duw, Jen Jeniro, Sensegur
Neuadd William Aston: Yr Ods, Y Bandana, Y Trydan
Nos Wener 4 Awst
Undeb y Myfyrwyr: Acid Casuals, Plyci, Crash.Disco!, Cloud4Mations, DJs Electroneg 1000
Neuadd William Aston: Cowbois Rhos Botwnnog, Gai Toms, Catrin Herbert
Nos Sadwrn 5 Awst
Undeb y Myfyrwyr: Colorama, Huw M, Trwbador
Neuadd William Aston: Sibrydion, Masters in France, Violas
Band Gwyliwch y Gofod diweddaraf C2 yw Helyntion Jos y Ficar - band ska-ffync cyffrous o ardal Porthmadog.
Yn dilyn y newyddion trist fod un o fandiau byw mwyaf poblogaidd Cymru, Derwyddon Dr Gonzo, wedi rhoi eu gitars (a'u dillad ffansi) yn yr atic, mae Helyntion Jos y Ficar yn fand ifanc all helpu i lenwi'r bwlch enfawr sydd wedi ei adael ar ôl yn dilyn ymddeolaid y Derwyddon.
Ska-ffync hwyliog a geiriau ffraeth a doniol - mae hwn yn siwr o blesio cynulleidfaoedd led-led Cymru, a fydd hi'n fawr o dro nes fydd pawb yn dechrau pregethu am Helyntion Jos y Ficar (sori, odd rhaid)!
Gallwch ddarganfod mwy am Helyntion Jos y Ficar ar eu tudalen nhw ar Facebook - a chofiwch fod manylion HOLL gyn-fandiau Gwyliwch y Gofod ar wefan C2.
Hwyl am y tro - dwi off i ddawnsio!
Rob.
Roedd cyffro o fore tan nos (Dydd Iau, Ebrill 7) wrth i BBC Radio Cymru ddatgelu enillwyr Gwobrau Roc a Phop BBC Radio Cymru 2011 ar amrywiol raglenni'r orsaf drwy gydol y dydd.
Yn ogystal â datgelu enillwyr y gwahanol gategorïau, a benderfynir gan banel o arbenigwyr o'r diwydiant cerddoriaeth, darlledwyd sesiynau byw a chyfweliadau gan ddechrau gydag enillwyr cynta'r dydd sef Yr Ods, a enillodd wobr Band Gorau 2010 ar raglen Dafydd a Caryl.
Roedd Steve Eaves eisioes wedi ei gyhoeddi fel enillydd Cyfraniad Arbennig ar yr orsaf dydd Llun.
"Mae Gwobrau Roc a Phop BBC Radio Cymru yn uchafbwynt blynyddol yng nghalendr cerddoriaeth gyfoes yng Nghymru," meddai Sian Gwynedd, Golygydd BBC Radio Cymru a Theledu Cymraeg. "Mae'r gwobrau, sydd yn cael eu dewis gan gynrychiolwyr sy'n cynnwys labeli, hyrwyddwyr a threfnwyr gigs, yn ddathliad o'r holl gerddoriaeth sydd wedi cael ei gynhyrchu yn ystod y flwyddyn ddiwethaf.
"Eleni roedd y Gwobrau yn ymestyn drwy gydol y dydd ar Radio Cymru gydag enillwyr yn cael eu cyhoeddi ar raglenni Dafydd a Caryl, Nia a Geraint Lloyd a bu nifer o sesiynau byw gan wahanol fandiau hefyd.
"Yr wyf yn arbennig o falch fod Gwobr y Cyfraniad Arbennig wedi ei ennill eleni gan Steve Eaves. Mae ei gyfraniad i'r sîn roc yng Nghymru wedi bod yn amhrisiadwy ac mae yna barch mawr tuag ato."
Dyma restr enillwyr Gwobrau RAP BBC Radio Cymru 2011:
Cyfansoddwr y flwyddyn
Gareth Bonello
Can y flwyddyn
Jen Jeniro - Dolphin Pinc a Melyn
Artist Benywaidd y Flwyddyn
Cate Le Bon
Cynhyrchydd y Flwyddyn
Dave Wrench
Gwobr Siart C2 ( y grwp sydd wedi bod ar frig y siart amlaf )
Gwibdaith Hen Fran
Digwyddiad Byw y Flwyddyn
Gwyl Gardd Goll
Artist Gwrywaidd y Flwyddyn
Al Lewis
Sesiwn C2 y flwyddyn
Y Gwylanod
Grwp a ddaeth i amlygrwydd
Crash.Disco!
Band Byw y Flwyddyn
Y Niwl
Albwm y Flwyddyn
Y Niwl - Y Niwl
Band neu Artist y Flwyddyn
Yr Ods
Gwobr Cyfraniad Arbennig
Steve Eaves
Gallwch wrando ar sesiynau o'r noson ar wefan Gwobrau RAP 2011.
| 16:28, Dydd Llun, 4 Ebrill 2011
Ennill gornest y flwyddyn a'r cyfle euraidd i recordio sesiynau, gwneud cyfweliadau a chael eu gweld a'u clywed mewn gwyliau cerddorol, gan gynnwys Gŵyl Sŵn y DJ Huw Stephens - dyna sydd o fewn gafael y pedwar band sydd ar fin mynd ben ben a'i gilydd yn rownd derfynol Brwydr y Bandiau Menter Iaith Cymru a C2 Radio Cymru 2011 ar Fai 4.
Y pedwar band cyffrous sydd wedi brwydro i'r brig a bachu ar y cyfle i fynychu stiwdio recordio broffesiynol i baratoi ar gyfer y rownd derfynol yw Sian Miriam o Ysgol Gyfun Llangefni; Y Saethau o Ysgol Syr Hugh Owen, Caernarfon; Downhill, Ysgol Gyfun Maes yr Yrfa, Cefneithin a Swnami, Coleg Meirion Dwyfor, Dolgellau.
Mae'r wobr derfynol yn cynnwys ymddangosiad yng Ngŵyl Sŵn Huw Stephens yng Nghaerdydd, sesiwn ar C2 Radio Cymru, lluniau proffesiynol o'r band, cyfweliad yng Nghylchgrawn Y Selar, cyfle i berfformio ar Daith Ysgolion C2 2011 a llawer iawn mwy!
Dyma eiriau un o'r beirniad Rhodri Llwyd Morgan, cyn aelod o Cerrig Melys am Sian Miriam
"Mae gyda ni fan hyn dalent newydd - mae'n ddewr . . . llais hynod o aeddfed ac mae'n gymeriad cryf, " meddai Rhodri.
Ysu i glywed rhagor gan Y Saethau wnaiff y beirniad Mei Gwynedd, Y Sibrydion "a gweld be arall sydd ganddyn nhw i fyny eu llawes," meddai Mei. "Mae'r llais yn sefyll allan, mae'r geiriau mor gryf - mae'n smart."
Dywed Rhodri am Downhill ei fod yn "hoffi'r awyrgylch dywyll 'na ac mae'r offerynu yn gryfder i'r gân."
Canmol egni Sunami a wnaiff y trydydd beirniad, y DJ a chyflwynydd Ian Cottrell, sydd o'r farn mai nhw sydd â'r gân "sy'n swnion fwyaf proffesiynol o ran strwythur."
Neidio i fwy o gynnwys o’r blog hwn
Y newyddion diweddaraf am gerddoriaeth, gigs, artistiaid a mwy gan griw C2.
Blog C2 - Tanysgrifio(ATOM)
Ddim yn siwr beth yw RSS? Edrycha ar ein canllaw defnyddiol i ddechreuwyr.
Lawrlwythwch neu tanysgrifiwch i'r podlediad wythnosol, am ddim.
